УЕФА “Реал”нинг тўрт нафар футболчисига нисбатан тергов бошлади
Футбол
Насрулло Каримов
Журналист
ФОТО: Goal.com
Европа футбол ассоциацияси иттифоқи (УЕФА) “Атлетико”га қарши Чемпионлар Лигаси 1/8 финал жавоб ўйинида ноўрин хатти-ҳаракатлар содир этгани учун “Реал”нинг тўрт нафар футболчисига нисбатан тергов бошлади.
Ташкилот хабарига кўра, Антонио Рюдигер, Килиан Мбаппе, Дани Себальос ва Винисиус Жуниор жазога тортилиши мумкин.
Таъкидланишича, “Реал” футболчилари пенальтилар сериясида ғалаба қозонганидан сўнг “Метрополитано”га йиғилган мухлисларга қарата провокацион ишоралар қилган.
Агар футболчилар айбдор деб топилса, уларга нисбатан дисквалификация, жарима ёки интизомий жазо қўлланилиши мумкин.
Маълумот учун, “Реал Мадрид” Чемпионлар Лигаси 1/4 финалида Лондоннинг “Арсенал” клубига қарши майдонга тушади. Учрашув 8-апрел куни бўлиб ўтади.
