УЕФА президенти: «Роналду — дунёдаги энг яхши 3 футболчидан бири»
УЕФА президенти Александер Чеферин Португалия футбол саммитида иштирок этди.
Унда у “Ан-Насср” ва Португалия терма жамоаси ҳужумчиси Криштиану Роналдуни футбол тарихидаги 3 нафар буюк футболчидан бири деб атади. Бу ҳақда АS нашри хабар берди.
“Аввало шуни айтишим керакки, Роналду Португалиянинг дунёдаги энг буюк тарғиботчиси ҳисобланади. Мен ҳеч қачон ундай рақобатни хоҳловчи, ғалабага чанқоқ футболчини кўрмаганман. У ҳеч қачон тўхташни истамайди, ҳар доим давом эттиришни хоҳлайди.
Унинг эришган ютуқлари барчада катта таассурот қолдиради. Уларни тўлиқ санаб чиқиш учун кўп вақт кетади. Мен унга нафақат футболчи, балки инсон сифатида ҳам катта ҳурмат билан қарайман. Бундан ташқари, у хайрия ишлари билан шуғулланад. Криштиану Роналду — футбол тарихидаги энг буюк уч футболчидан биридир”, дейди Чеферин.
