УЕФА Луис Диаснинг дисквалификациясини қисқартирди

УЕФА Луис Диасга нисбатан жазони енгиллаштирди. Бу ҳақда ташкилот расмий сайти хабар берди.

Маълумот учун, “Бавария” вингери ЕЧЛ 4-туридан ўрин олган “ПСЖ”га (2:1) қарши баҳсда рақиб ҳимоячиси Ашраф Ҳакимига қўпол тарзда ўйнагани учун четлатилганди. Шундан сўнг марокашлик футболчи жароҳат олиб, икки ойга сафдан чиқди.

Шундан кейин УЕФА Диасни 3 ўйинга дисквалификация қилишга қарор қилганди. Футболчи “Арсенал”га қарши беллашувни ўтказиб юборганди. Мюхенликларни олдинда “Спортинг” ва “Юнион Сент-Жиллуа” билан баҳслар кутмоқда.

Мюнхен клуби Диаснинг дисквалификацияни камайтириш борасида апелляция берди. Бу сўров қаноатлантирилди. УЕФА четлатиш уч ўйиндан икки ўйинга қисқартирилганини маълум қилди.

Розикжон Султонмуродов

Журналист