UEFA Luis Diasning diskvalifikatsiyasini qisqartirdi

UEFA Luis Diasga nisbatan jazoni yengillashtirdi. Bu haqda tashkilot rasmiy sayti xabar berdi.

Ma'lumot uchun, “Bavariya” vingeri YeChL 4-turidan o‘rin olgan “PSJ”ga (2:1) qarshi bahsda raqib himoyachisi Ashraf Hakimiga qo‘pol tarzda o‘ynagani uchun chetlatilgandi. Shundan so‘ng marokashlik futbolchi jarohat olib, ikki oyga safdan chiqdi.

Shundan keyin UEFA Diasni 3 o‘yinga diskvalifikatsiya qilishga qaror qilgandi. Futbolchi “Arsenal”ga qarshi bellashuvni o‘tkazib yuborgandi. Myunxenliklarni oldinda “Sporting” va “Union Sent-Jillua” bilan bahslar kutmoqda.

Myunxen klubi Diasning diskvalifikatsiyani kamaytirish borasida apellyatsiya berdi. Bu so‘rov qanoatlantirildi. UEFA chetlatish uch o‘yindan ikki o‘yinga qisqartirilganini ma'lum qildi.

Roziqjon Sultonmurodov

Jurnalist