UEFA \"Aston Villa\"ни молиявий қоидабузарлик учун жаримага тортди
UEFA Клубларни молиявий назорат қилиш органи (CFCB) Англиянинг "Aston Villa" клубига молиявий барқарорлик қоидаларини бузганлиги учун санкция қўллади.
Маълум қилинишича, Бирмингем клуби футболчилар таркибига ажратилган харажатлар UEFA белгилган меъёрдан ошиб кетгани сабабли 22,5 миллион евро миқдорида жаримага тортилган. Бироқ ушбу сумманинг 15 миллион евроси шартли бўлиб, клуб келгуси йилларда молиявий кўрсаткичларини яхшиласа, бу қисмини тўламайди.
Бундан ташқари, UEFA "Aston Villa"га еврокубоклар учун янги футболчиларни рўйхатдан ўтказишда маълум чекловлар ҳам қўллади. Агар клуб молиявий қоидаларга риоя қилмаса, келгусида янада оғирроқ санкциялар қўлланиши мумкин.
Эслатиб ўтамиз, 2025/26-йилги мавсум якунлари бўйича UEFA жами 14 та клубни молиявий барқарорлик қоидаларини бузганлик учун жазолади. Улар орасида "Ювентус", "Челси", "Ньюкасл", "Ноттингем Форест" ва бошқа клублар ҳам бор.
