UEFA \"Aston Villa\"ni moliyaviy qoidabuzarlik uchun jarimaga tortdi
UEFA Klublarni moliyaviy nazorat qilish organi (CFCB) Angliyaning "Aston Villa" klubiga moliyaviy barqarorlik qoidalarini buzganligi uchun sanksiya qo‘lladi.
Ma'lum qilinishicha, Birmingem klubi futbolchilar tarkibiga ajratilgan xarajatlar UEFA belgilagan me'yordan oshib ketgani sababli 22,5 million yevro miqdorida jarimaga tortilgan. Biroq ushbu summaning 15 million yevrosi shartli bo‘lib, klub kelgusi yillarda moliyaviy ko‘rsatkichlarini yaxshilasa, bu qismni to‘lamaydi.
Bundan tashqari, UEFA "Aston Villa"ga yevrokuboklar uchun yangi futbolchilarni ro‘yxatdan o‘tkazishda ma'lum cheklovlar ham qo‘lladi. Agar klub moliyaviy qoidalarga rioya qilmasa, kelgusida yanada og‘irroq sanksiyalar qo‘llanishi mumkin.
Eslatib o‘tamiz, 2025/26-yilgi mavsum yakunlari bo‘yicha UEFA jami 14 ta klubni moliyaviy barqarorlik qoidalarini buzganlik uchun jazoladi. Ular orasida "Yuventus", "Chelsi", "Nyukasl", "Nottingem Forest" va boshqa klublar ham bor.
