УЕФА ҳам Инфантинонинг ЖЧ бўйича режасига кескин қарши чиқди
УЕФА ҳам Инфантинонинг ЖЧ бўйича режасига кескин қарши чиқди
УЕФА ФИФА президенти Жанни Инфантинонинг жаҳон чемпионати ҳуқуқларини ташқи инвесторларга сотиш ҳамда бунинг эвазига 211 та аъзо ассоциацияга 40 миллион доллардан тўлаб, 53 кунлик муддат қўйиш таклифи юзасидан янги ва кескин баёнот берди:
«Бугун ФИФА ассоциациялар ушбу таклифни қўллаб-қувватлаши учун охирги муддат белгилагани, акс ҳолда бир марталик тўлов таклифи бекор қилиниши ҳақида билдик. Бу лойиҳа ҳақида билишингиз керак бўлган ягона нарса аслида шу.
Лекин кўплаб манфаатдор томонлар билан ўтказилган муҳокамалардан сўнг УЕФАга маълум бўлдики, ФИФАнинг бу схемаси тобора ортиб бораётган жиддий қаршиликка учрамоқда. ФИФА ўзини ва дўстларини бойитиш учун спорт туримиздан фойдаланишни давом эттира олмайди.
Биз спортни тўғри йўлда ривожлантиришимиз мумкин. Ассоциациялар, клублар, лигалар, футболчилар ва мухлислар манфаатини биринчи ўринга қўядиган вақт келди», – дейилади УЕФА баёнотида.
