УЕФА ҳафтанинг энг яхши футболчиси бўлиш учун номзодларни эълон қилди
УЕФА расмий саҳифаси Европа Чемпионлар лигасининг 5-тур учрашувларидан сўнг, ҳафтанинг энг яхши футболчиси номига даъвогар тўрт нафар ўйинчи номини эълон қилди.
Унга кўра, Витинья (“ПСЖ”), Пьер-Эмерик Обамеянг (“Марсель”), Килиан Мбаппе (“Реал Мадрид”) ва Серу Гирасси (“Боруссия Дортмунд”) ушбу номга даъвогар сифатида қайд этилди.
Витинья “ПСЖ”нинг “Тоттенҳэм”га қарши ўйинда хет-трик муаллифига айланди.
Пьер-Эмерик Обамеянг “Марсель”нинг “Ньюкасл”га қарши 2:1 ҳисобидаги ғалабасида дубль қайд этди.
Килиан Мбаппе “Реал Мадрид”нинг “Олимпиакос” устидан 4:3 ҳисобидаги оғир ғалабасида 4 та гол киритиб, жорий мавсум тўпурарлар пойгасида етакчиликни қўлга олди. Унинг ҳисобида 5-турдан сўнг 9 гол мавжуд..
Серу Гирасси эса “Боруссия Дортмунд”нинг “Вильярреал” устидан 4:0 ҳисобидаги йирик ғалабасига муносиб ҳисса қўшди ва дубльга эришди.
Эслатиб ўтамиз, ғолиб УЕФА расмий сайтида ўтказиладиган сўровнома орқали аниқланади.
