U-23 Осиё Кубоги саралаши: Ўзбекистон Қирғизистонда иштирок этади
Бугун, 29 май куни U-23 Осиё Кубоги саралаш босқичига қуръа ташлаш маросими бўлиб ўтди. Унга кўра, Равшан Ҳайдаров бошчилигидаги Ўзбекистон олимпия терма жамоаси “E” гуруҳидан жой олди. Рақибларимиз — Қирғизистон, Шри Ланка ва Фаластин. Ушбу гуруҳ баҳслари Қирғизистонда ташкил этилади.
Мусобақа регламентига кўра, 11 гуруҳ ғолиби ҳамда энг яхши натижа қайд этган 4 та иккинчи ўрин соҳиблари 2026 йили Саудия Арабистонида бўлиб ўтадиган финал босқичига йўлланма олади.
Қуйида барча гуруҳлар билан танишинг (гуруҳ ўйинларини қабул қиладиган мамлакатлар биринчи ўринда келтирилган):
• А гуруҳи: Иордания, Бутан, Хитой Тайпей, Туркманистон
• B гуруҳи: Мьянма, Афғонистон, Кувайт, Япония
• C гуруҳи: Вьетнам, Бангладеш, Сингапур, Яман
• D гуруҳи: Хитой, Шимолий Мариана ороллари, Тимор Лесте, Австралия
• E гуруҳи: Қирғизистон, Шри Ланка, Фаластин, Ўзбекистон
• F гуруҳи: Таиланд, Мўғулистон, Ливан, Малайзия
• G гуруҳи: Камбоджа, Покистон, Ўмон, Ироқ
• H гуруҳи: Қатар, Бруней, Ҳиндистон, Баҳрайн
• I гуруҳи: БАА, Гуам, Гонконг, Эрон
• J гуруҳи: Индонезия, Макао, Лаос, Корея Республикаси
• K гуруҳи: Тожикистон, Непал, Филиппин, Сурия
Эслатиб ўтамиз, саралаш баҳслари 2025 йил 1–9 сентябр кунлари бўлиб ўтади.
