U-23 Osiyo Kubogi saralashi: O‘zbekiston Qirg‘izistonda ishtirok etadi
Bugun, 29 may kuni U-23 Osiyo Kubogi saralash bosqichiga qur’a tashlash marosimi bo‘lib o‘tdi. Unga ko‘ra, Ravshan Haydarov boshchiligidagi O‘zbekiston olimpiya terma jamoasi “E” guruhidan joy oldi. Raqiblarimiz — Qirg‘iziston, Shri-Lanka va Falastin. Ushbu guruh bahslari Qirg‘izistonda tashkil etiladi.
Musobaqa reglamentiga ko‘ra, 11 guruh g‘olibi hamda eng yaxshi natija qayd etgan 4 ta ikkinchi o‘rin sohiblari 2026 yili Saudiya Arabistonida bo‘lib o‘tadigan final bosqichiga yo‘llanma oladi.
Quyida barcha guruhlar bilan tanishing (guruh o‘yinlarini qabul qiladigan mamlakatlar birinchi o‘rinda keltirilgan):
• A guruhi: Iordaniya, Butan, Xitoy Taypey, Turkmaniston
• B guruhi: Myanma, Afg‘oniston, Kuvayt, Yaponiya
• C guruhi: Vyetnam, Bangladesh, Singapur, Yaman
• D guruhi: Xitoy, Shimoliy Mariana orollari, Timor Leste, Avstraliya
• E guruhi: Qirg‘iziston, Shri-Lanka, Falastin, O‘zbekiston
• F guruhi: Tailand, Mo‘g‘uliston, Livan, Malayziya
• G guruhi: Kambodja, Pokiston, Ummon, Iroq
• H guruhi: Qatar, Brunei, Hindiston, Bahrayn
• I guruhi: BAA, Guam, Gonkong, Eron
• J guruhi: Indoneziya, Makao, Laos, Koreya Respublikasi
• K guruhi: Tojikiston, Nepal, Filippin, Suriya
Eslatib o‘tamiz, saralash bahslari 2025 yil 1–9 sentyabr kunlari bo‘lib o‘tadi.
