U19. Испания — Европа чемпиони
Уэльс мамлакати мезбонлик қилган финалда испанияликлар Германияни енгиб, қитъа чемпионилигини қўлга киритди.
photo: gettyimages
Европада 19 ёшгача бўлган футболчилар ўртасида қитъа чемпионати якунга етди. Финалда Испания футболчилари Германияга қарши беллашди. Баҳс 2:0 ҳисобида испанияликларнинг ғалабаси билан якунланди.
Ўйинда дастлабки гол 44-дақиқада ҳужумчи Уго Лопес томонидан киритилди. Иккинчи бўлим бошида Марио Ривас рақиб дарвозасини яна бир бор ишғол қилиб, жамоасининг ғалабасини мустаҳкамлади.
Маълумот учун, Испания яримфиналда Хорватияни 3:0 ҳисобида мағлуб этган бўлса, Германия финалга чиқиш йўлида Украинани 2:1 ҳисобида таслим этган эди.
Эътиборлиси, аввалроқ Испания қизлар ўртасидаги 19 ёшгача бўлган Европа чемпионатида ҳам бош совринни қўлга киритган эди. Финалда испаниялик қизлар Германияни 1:0 ҳисобида мағлуб этиб, чемпионликни нишонлаган.
Иброҳим Жалолов
Редактор