U19. Ispaniya — Yevropa chempioni
Yevropada 19 yoshgacha bo‘lgan futbolchilar o‘rtasida qit’a chempionati yakuniga yetdi. Finalda Ispaniya futbolchilari Germaniyaga qarshi bellashdi. Bahs 2:0 hisobida ispaniyaliklarning g‘alabasi bilan yakunlandi.
O‘yinda dastlabki gol 44-daqiqada hujumchi Ugo Lopes kiritdi. Ikkinchi bo‘lim boshida Mario Rivas raqib darvozasini yana bir bor ishg‘ol qilib, jamoasining g‘alabasini mustahkamladi.
Ma’lumot uchun, Ispaniya yarimfinalda Xorvatiyani 3:0 hisobida mag‘lub etgan bo‘lsa, Germaniya finalga chiqish yo‘lida Ukrainani 2:1 hisobida taslim etgan edi.
E’tiborlisi, avvalroq Ispaniya qizlar o‘rtasidagi 19 yoshgacha bo‘lgan Yevropa chempionatida ham bosh sovrinni qo‘lga kiritgan edi. Finalda ispaniyalik qizlar Germaniyani 1:0 hisobida mag‘lub etib, chempionlikni nishonlagan.
