У-17 Осиё Кубоги. Ўзбекистон Таиландни “янчиб ташлади”
17 ёшгача бўлган футболчилар ўртасидаги Осиё кубоги гуруҳ босқичи 1-туридан ўрин олган баҳсда Ўзбекистон терма жамоаси Таиландга қарши баҳс олиб борди.
Дастлаб, ҳисоб 2-дақиқада Садриддин Ҳасанов томонидан очилди. Орадан 10 дақиқа ўтгач Нурбек Сарсенбаев жамоамизнинг иккинчи голига муаллифлик қилди.
Шундан сўнг, Таиланд ўзини қўлга олиб, ҳужумлар сонини оширди ва бу 40-дақиқага келиб ўз самарасини берди. Рақиб футболчиси Силвиа Мексес гол уриб, ҳисобни қисқартирди.
Иккинчи бўлимда Ўзбекистон яна устунликни ўз қўлига ола бошлади. 80-дақиқада Асилбек Алиев ҳисобни яна иккитага ошириб қўйди. Орадан 5 дақиқа ўтгач Абубакр Шукуруллаев ўйинга мантиқий нуқта қўйди.
Шу тариқа, Ўзбекистон У-17 терма жамоаси Таиландни йирик 4:1 ҳисобида мағлуб этиб, 3 очкони қўлга киритди.
У-17 Осиё Кубоги | 1-тур
Ўзбекистон У-17 4:1 Таиланд У-17
Голлар: Садриддин Ҳасанов 2' (1:0), Нурбек Сарсенбаев 12' (2:0), Силвиа Мексес 40' (2:1), Асилбек Алиев 80' (3:1), Абубакр Шукуруллаев 85' (4:1).
