«У етакчи, барчанинг ҳурматига сазовор». Кошта – ЖЧдаги Роналду ҳақида
Португалиялик собиқ футболчи Криштиану ҳақида илиқ фикр билдирди.
ФОТО: Getty images
Португалия терма жамоасининг собиқ ҳимоячиси Рикарду Коштанинг айтишича, танқидларга қарамай, ҳужумчи Криштиану Роналду жамоа кийиниш хонасида умумий ҳурматга эга.
Икки кун олдин Португалия жамоаси ЖЧ-2026 1-турида Конго ДР билан дуранг ўйнади (1:1). 41 ёшли ҳужумчи самарали ҳаракатлари билан ажралиб турмади ва ўйиндан сўнг танқидга учради.
«Ҳамма Криштиануга қулоқ солади. У ўз жамоадошларини руҳлантирадиган етакчи ва миллий терма жамоага улкан ёрдам беришда давом этмоқда.
Жамоадан ташқарида у ҳақда кўп гапиришади, лекин ичкарида у умумий ҳурматга эга», – дея Коштанинг сўзларини келтиради Marca.
К гуруҳининг 2-турида Португалия миллий терма жамоаси Ўзбекистон билан (23 июнь), 3-турда эса Колумбия билан (28 июнь) ўйнайди.
