U-23 Осиё кубогига мезбонлик қиладиган шаҳарлар рўйхати эълон қилинди
Мусобақада Ўзбекистон ёшлар терма жамоа ҳам қатнашади.
ФОТО: Getty images
ОФК 2026 йилда Саудия Арабистони майдонларида ўтказиладиган U-23 Осиё кубоги мезбон шаҳарларини маълум қилди.
Унга кўра, турнир учун Ар-Риёд ва Жидда шаҳарларидаги 4 та стадион ("Prince Faysal Bin Fahd Stadium", "Al-Shabab", "King Abdullah Sports City Hall", "Prine Abdullah Al Faisal Sports City") танлаб олинган.
Эслатиб ўтамиз, қитъа биринчилиги 2026 йилнинг 7–25 январь кунлари бўлиб ўтади ва унда Равшан Ҳайдаров бошқарувидаги Ўзбекистон U-23 терма жамоаси ҳам иштирок этади.
Турнирга қуръа ташлаш маросими 3 октябр куни Тошкент вақти билан соат 12:00 да Куала-Лумпур шаҳрида ўтказилиши белгиланган.
Розикжон Султонмуродов
Журналист