U-23 Osiyo kubogiga mezbonlik qiladigan shaharlar ro‘yxati e’lon qilindi
Musobaqada O‘zbekiston yoshlar terma jamoasi ham qatnashadi.
ФОТО: Getty images
OFK 2026 yilda Saudiya Arabistoni maydonlarida o‘tkaziladigan U-23 Osiyo kubogi mezbon shaharlarini ma’lum qildi.
Unga ko‘ra, turnir uchun Ar-Riyod va Jidda shaharlaridagi 4 ta stadion ("Prince Faysal Bin Fahd Stadium", "Al-Shabab", "King Abdullah Sports City Hall", "Prine Abdullah Al Faisal Sports City") tanlab olingan.
Eslatib o‘tamiz, qit’a birinchiligi 2026 yilning 7–25 yanvar kunlari bo‘lib o‘tadi va unda Ravshan Haydarov boshqaruvidagi O‘zbekiston U-23 terma jamoasi ham ishtirok etadi.
Turnirga qur’a tashlash marosimi 3 oktyabr kuni Toshkent vaqti bilan soat 12:00 da Kuala-Lumpur shahrida o‘tkazilishi belgilangan.
Roziqjon Sultonmurodov
Jurnalist