U-20 аёллар Осиё кубоги. Ўзбекистон мусобақани мағлубият билан бошлади
1 апрел куни Таиланд мамлакати мезбонлик қилаётган футбол бўйича 20 ёшгача бўлган қизлар ўртасидаги Осиё кубоги старт олди.
Ўзбекистон U-20 аёллар терма жамоаси ушбу мусобақадаги иштирокини бошлади.
Илк турда жанубий кореялик қизларга қарши майдонга тушиб, якунда 0:2 ҳисобида имкониятни бой бериб қўйди.
“B” гуруҳида иштирок этаётган ўзбекистонлик қизлар турнирдги иккинчи учрашувини 5 апрел куни Шимолий Корея U-20 аёллар терма жамоасига қарши ўтказади. 8 апрел куни бўлиб ўтадиган учинчи тур баҳсида эса улар Иордания U-20 аёллар терма жамоаси билан баҳс олиб боради.
Маълумот ўрнида, мусобақа ярим финалига етиб борган жамоалар жорий йил сентябр ойида Польша мезбонлик қиладиган U-20 аёллар Жаҳон чемпионатига тўғридан-тўғри йўлланмани қўлга киритади.
