U-20 ayollar Osiyo kubogi. O‘zbekiston turnirni mag‘lubiyat bilan boshladi
1 aprel kuni Tailand mamlakati mezbonlik qilayotgan futbol bo‘yicha 20 yoshgacha bo‘lgan qizlar o‘rtasidagi Osiyo kubogi start oldi.
O‘zbekiston U-20 ayollar terma jamoasi ushbu musobaqadagi ishtirokini boshladi.
Ilk turda janubiy koreyalik qizlarga qarshi maydonga tushib, yakunda 0:2 hisobida imkoniyatni boy berib qo‘ydi.
“B” guruhida ishtirok etayotgan o‘zbekistonlik qizlar turnirdagi ikkinchi uchrashuvini 5 aprel kuni Shimoliy Koreya U-20 ayollar terma jamoasiga qarshi o‘tkazadi. 8 aprel kuni bo‘lib o‘tadigan uchinchi tur bahsida esa ular Iordaniya U-20 ayollar terma jamoasi bilan bahs olib boradi.
Ma’lumot o‘rnida, musobaqa yarim finaliga yetib borgan jamoalar joriy yil sentyabr oyida Polsha mezbonlik qiladigan U-20 ayollar Jahon chempionatiga to‘g‘ridan to‘g‘ri yo‘llanmagani qo‘lga kiritadi.
