Туркия Жаҳон чемпионатлари тарихидаги XXI аср антирекордини ўрнатди
Туркия миллий терма жамоаси Жаҳон чемпионатлари тарихида 1974-йилдан буён ўйин давомида рақиб дарвозасига 30 ва ундан кўп зарба йўллаб, якунда мағлубиятга учраган илк жамоага айланди. ЖЧ-1974 мусобақасида Уругвай Швецияга 0:3 ҳисоби билан имкониятни бой берган эди.
2026-йилги жаҳон биринчилиги гуруҳ босқичининг 1-турида турклар Австралия терма жамоасига 0:2 ҳисоби билан ютқазиб қўйишди. Бу ҳақда Opta таҳлилий портали хабар бермоқда.
Қайд этилишича, Туркия терма жамоаси, шунингдек, ЖЧ-2006 чорак финалидаги Англия — Португалия (0:0, пенальтилар серияси — 1:3) учрашувидан кейин бундай кўрсаткич қайд этиб, рақиб дарвозасини ишғол эта олмаган биринчи жамоа бўлди.
Гуруҳ босқичининг 2-турида Туркия терма жамоаси Парагвайга қарши (20-июн) майдонга тушса, 3-турда АҚШ билан (26-июн) куч синашади.
