Turkiya Jahon chempionatlari tarixidagi XXI asr antirekordini oʻrnatdi
Turkiya milliy terma jamoasi Jahon chempionatlari tarixida 1974-yildan buyon oʻyin davomida raqib darvozasiga 30 va undan koʻp zarba yoʻllab, yakunda magʻlubiyatga uchragan ilk jamoaga aylandi. JCh-1974 musobaqasida Urugvay Shvetsiyaga 0:3 hisobida imkoniyatni boy bergan edi.
2026-yilgi jahon birinchiligi guruh bosqichining 1-turida turklar Avstraliya terma jamoasiga 0:2 hisobida yutqazib qoʻyishdi. Bu haqda Opta tahliliy portali xabar bermoqda.
Qayd etilishicha, Turkiya terma jamoasi, shuningdek, JCh-2006 chorak finalidagi Angliya — Portugaliya (0:0, penaltilar seriyasi — 1:3) uchrashuvidan keyin bunday koʻrsatkich qayd etib, raqib darvozasini ishgʻol eta olmagan birinchi jamoa boʻldi.
Guruh bosqichining 2-turida Turkiya terma jamoasi Paragvayga qarshi (20-iyun) maydonga tushsa, 3-turda AQSH bilan (26-iyun) kuch sinashadi.
