Туркия гранди клублари мураббийсиз қолди
Жозе Моуриньонинг келажаги ҳақидаги миш-мишлар Ўзбекистонга ҳам етиб келди
Расм: gettyimages.com
Европа майдонидаги омадсизликлар Туркиянинг икки етакчи клуби — «Фенербахче» ва «Бешикташ»да кескин ўзгаришларга сабаб бўлди. Жамоалар ўз мураббийлари Жозе Моуриньо ва Оле Гуннар Сульшер билан ҳамкорликни тўхтатди.
Моуриньо ўз фаолияти давомида «Порту» ва «Интер» билан Чемпионлар лигасида зафар қучган, Европа ва миллий мусобақаларда кўплаб унвонларга эришган.
Айни пайтда футбол жамоатчилиги унинг кейинги иш жойи ҳақида баҳс қилмоқда. Ўзбекистонда эса португалиялик мутахассис миллий терма жамоани бошқариши мумкинлиги ҳақида миш-мишлар тарқалган. Агар бу амалга ошса, терма жамоа ЖЧ-2026 олдидан нафақат кучаяди, балки ўзбек футболига халқаро эътибор ҳам ошиши мумкин.
Бакрадзе Иман
Редактор