Turkiya grandi klublari murabbiysiz qoldi
Joze Mourinyoning kelajagi haqidagi mish-mishlar Oʻzbekistonga ham yetib keldi
Rasm: gettyimages.com
Yevropa maydonidagi omadsizliklar Turkiyaning ikki yetakchi klubi — «Fenerbahche» va «Beshiktash»da keskin oʻzgarishlarga sabab boʻldi. Jamoalar oʻz murabbiylari Joze Mourinyo va Ole Gunnar Sulsher bilan hamkorlikni toʻxtatdi.
Mourinyo oʻz faoliyati davomida «Portu» va «Inter» bilan Chempionlar ligasida zafar quchgan, Yevropa va milliy musobaqalarda koʻplab unvonlarga erishgan.
Ayni paytda futbol jamoatchiligi uning keyingi ish joyi haqida bahs qilmoqda. Oʻzbekistonda esa portugaliyalik mutaxassis milliy terma jamoani boshqarishi mumkinligi haqida mish-mishlar tarqalgan. Agar bu amalga oshsa, terma jamoa JCH-2026 oldidan nafaqat kuchayadi, balki oʻzbek futboliga xalqaro e'tibor ham oshishi mumkin.
Bakradze Iman
Redaktor