Турк журналисти: «Бешиктош» бугун Муҳаммад Салоҳ трансферини эълон қилиши мумкин

Туркиянинг «Бешиктош» клуби бугун мисрлик ҳужумчи Муҳаммад Салоҳ трансферини расман эълон қилиши мумкин. Бу ҳақда турк журналисти Атакан Курт X ижтимоий тармоғида хабар берди.

Манба маълумотига кўра, клуб Салоҳ исми туширилган ўйин либосларини тайёрлаб бўлган ҳамда трансфер билан боғлиқ барча ташкилий ишлар якунланган.

Журналистнинг таъкидлашича, расмий баёнот айнан бугун эълон қилиниши кутилмоқда. Шундан сўнг Муҳаммад Салоҳни аэропортда тантанали кутиб олиш ва кейинроқ «Бешиктош» стадионида шартнома имзолаш маросимини ўтказиш режалаштирилган.

Аввалроқ Туркия ОАВлари ҳам «Бешиктош» Салоҳни ёзги трансфер ойнасидаги асосий мақсад сифатида кўраётгани ва уни жамоага олиб келиш устида фаол иш олиб бораётганини бир неча бор хабар қилган эди.

Розикжон Султонмуродов

Журналист

0 0 0 0 0 0