«Тун» тарихда илк бор Швейцария чемпиони бўлди
Клуб 128 йил аввал ташкил этилган.
ФОТО: Getty images
“Тун” ўз тарихида илк бор Швейцария чемпиони бўлди, жамоа бу совринни муддатидан аввал расмийлаштирди.
Эътиборлиси, “Тун” ўтган мавсум якунига кўра Швейцария футбол тизимида иккинчи дивизион ҳисобланадиган Челленж-Лига ғолибига айланган эди.
Суперлиганинг 35-турида “Тун” “Базел”га 1:3 ҳисобида имкониятни бой берди, аммо жамоанинг энг яқин таъқибчиси — “Санкт-Галлен” ҳам “Сьон”дан жавобсиз учта гол ўтказиб юбориб, мағлубиятга учради.
Шу тариқа, Швейцария чемпионатининг жорий мавсуми якунланишига уч тур қолганида “Тун” 74 очко билан Суперлига турнир жадвалини бошқариб бормоқда, “Санкт-Галлен” эса 63 очко билан иккинчи ўринда жойлашган.
Розикжон Султонмуродов
Журналист