Тухел: «Нони «Арсенал» ва миллий жамоада ўзини кўрсатиши учун ҳамма нарсага эга»
Инглизлар бош мураббийи Мадуэке ҳақида фикр билдирди.
Photo: gettyimages
Англия миллий жамоаси бош мураббийи Томас Тухел янги чақирув олган Нони Мадуэкенинг ўйини ҳақида фикр билдирди.
«Баъзан Нонига фикрни жамлаш етишмайди, у рақибга қарши босим қилишда «ухлаб қолиши» мумкин, аммо бор кучи билан ҳаракат қилса, у биз учун жуда муҳим ўйинчига айлана олади. Сака жароҳат олган, шунинг учун Нони «Арсенал» ва миллий жамоада ўзини кўрсатиши учун ҳамма нарсага эга», — деди Тухел ўйиндан кейин берган интервьюсида.
Маълумот ўрнида, «тўпчилар»нинг 23 ёшли янги футболчиси ЖЧ-2026 саралашидан ўрин олган Андоррага қарши ўйинда "уч шерлар" таркибида майдонга тушди. Учрашув инглизларнинг ғалабаси билан якунланди (2:0).
