Тухель: «Дастлабки 40 дақиқада ўйинимиз жуда эркин кечди»
Англия терма жамоаси бош мураббийи Томас Тухель УЕФА Миллатлар лигасида Хорватия устидан 7:0 ҳисобида қозонилган ғалабадан сўнг жамоасининг ўйинини юқори баҳолади.
«Биринчи дақиқадан охирги дақиқагача, асосий таркибда бошлаганлардан тортиб захирадан майдонга тушганларгача — барчаси энг юқори даражада ўйнади. Жамоани табриклайман. Дастлабки 40 дақиқада ўйинимиз жуда эркин кечди. Темпни юқори ушлаб турдик, бўш ҳудудлардан фойдаландик ва вазиятларни самарали якунладик. Қарши прессинг ва ҳимоядаги ҳаракатларимиз ҳам юқори даражада эди. Агар жуда талабчанлик билан қарайдиган бўлсак, 3:0 дан кейинги уч дақиқани кўрсатиш мумкин. Аммо умумий олганда, бу 90 дақиқа давомида энг юқори даражада намойиш этилган ўйин эди», - деди Тухель.
Англия шу тариқа Хорватияни 7:0 ҳисобида мағлуб этиб, йирик ғалабани нишонлади.
