Тудор: «Ўйлашимча, биз кўпроғига лойиқ эдик»
"Ювентус" устози "Реал"га қарши ўйиндан сўнг ўз фикрларини билдирди.
ФОТО: Getty images
“Ювентус” бош мураббийи Игор Тудор Чемпионлар Лигаси доирасидаги “Реал”га қарши ўйиндан сўнг ўз фикрларини билдирди.
“Натижа оғриқли бўлди. Биз режалаштирган ишларни амалга оширдик, жамоа ўзига келиб олди, деб ўйлайман. Одатда “Сантиаго Бернабеу”да мадридликларга қарши ўйнаш жуда қийин.
Натижа муҳим, аммо биз бу вазиятдан чиқиб кета олардик.
Қўлимиздан келган барча ишни қилдик. Жамоам учун яхши синов бўлди. Ўйлашимча, биз кўпроғига лойиқ эдик.
Гарчи ютқазган бўлсак-да, ҳаракатларимизни таҳлил қилсак, бу мағлубият келажак учун ижобий ҳиссиёт қолдириши мумкин», — деди Тудор.
Розикжон Султонмуродов
Журналист
