ЦСКА ветерани ўзбек футболчисидан қутулишни тавсия қилди
Расм: championat.com
Москвадаги ЦСКА клуби собиқ футболчиси Валерий Масалитин жамоа ярим ҳимоячиси Аббосбек Файзуллаевни танқид қилди. У ўз фикрларини оммавий ахборот воситаларига баёнот шаклида билдирди.
— Файзуллаев ўз ўйинини топа олмаяпти. Уни тўлиқ очиш учун ижарага бериш керак. Фақат шунда ЦСКА уни фойда билан сотиши мумкин. Баҳорда Аббос жамоа учун деярли фойда келтирмади. Ҳаракат қилди, аммо ундан натижа чиқмади, — деди Масалитин.
Ўтган мавсумда Файзуллаев ЦСКА сафида РПЛда 27 ўйинда майдонга тушди, 2 та гол уриб, 4 та голли узатма амалга оширди. Янги мураббий тактикасини ўзлаштиришда қийинчиликларга дуч келмоқда. Айни пайтда Аббоснинг бозор қиймати 8 миллион евро деб баҳоланмоқда.
Бакрадзе Иман
Редактор