Трубин: «Баъзида футбол сиз режалаштирганингиздан ҳам кўпроғига имконият беради»
«Бенфика» дарвозабони Анатолий Трубин Чемпионлар Лигасининг умумий босқич 8-туридан ўрин олган «Реал»га (4:2) қарши баҳсдаги тарихий голидан сўнг ҳиссиётлари билан ўртоқлашди.
Украиналик посбон ўзининг ижтимоий тармоқдаги саҳифасида шундай деб ёзди:
«Менинг Чемпионлар Лигасидаги дебютим айнан «Реал»га қарши ўйин билан бошланганди. Мана, беш йил ўтиб яна ўша «Реал», аммо энди «Бенфика» билан. Майдондаги ҳис-туйғулар эса бутунлай бошқача. Баъзида футбол сиз режалаштирганингиздан ҳам кўпроғига имконият беради. Ҳатто гол уришга ҳам. Бугун биз билан бўлган ва бизга қўллаб-қувватлов кўрсатган барчага раҳмат».
Қайд этиш жоизки, Трубин еврокубоклар тарихида гол урган илк дарвозабонга айланди ва ўз исмини тарих зарваракларига муҳрлади.
Ушбу учрашувдаги мағлубиятдан сўнг Мадриднинг «Реал» клуби 8 ўйинда 15 очко тўплаган ҳолда кутилмагандек турнирнинг 1/8 финалига чиқа олмади. «Бенфика» эса 9 очко билан плей-офф йўлланмасини нақд қилди.
