Трент Александер-Арнольд машғулотларга кечиккани учун Арбелоа ва жамоадошларидан узр сўради
«Реал Мадрид» ҳимоячиси Трент Александер-Арнольд жамоа машғулотларидан бирига кечикиб келгани учун узр сўради. Айнан шу сабабли у Ла Лиганинг 29-тури доирасидаги «Атлетико»га (3:2) қарши баҳсни асосий таркибда бошлай олмаган эди. Бу ҳақда The Athletic нашри хабар бермоқда.
Манбанинг маълум қилишича, Трент бош мураббий Алваро Арбелоа, жамоа сардори Дани Карвахал ва бошқа жамоадошларидан расман узр сўраган. Вазирятга яқин манбалар инглиз футболчисининг бу ҳаракатини «ҳақиқий джентльменларга хос иш» деб баҳолашмоқда.
Эслатиб ўтамиз, ушбу ўйинда Трент 64-дақиқада захирадан майдонга тушди ва голли узатмани амалга оширишга муваффақ бўлди.
Жорий мавсумда Александер-Арнольд Ла Лигaда 14 та учрашувда майдонга тушиб, 3 та голли узатмани ўз ҳисобига ёздириб қўйди.
Испания чемпионатининг 29 туридан сўнг «Реал» 69 очко билан турнир жадвалида иккинчи ўринни эгаллаб турибди. «Атлетико» эса 57 очко билан тўртинчи поғонадан жой олган.
