Transfermarkt ЖЧ-2026’ни ўтказиб юборадиган энг қиммат футболчиларнинг рамзий терма жамоасини тузди
Transfermarkt портали 2026 йилги жаҳон чемпионатида иштирок этмайдиган сайёранинг энг қимматбаҳо ўйинчиларидан иборат рамзий жамоани тақдим этди.
Терма жамоаларининг мусобақага чиқа олмагани, жароҳатлар ёки мураббийлар штабининг қарорлари сабабли турнирдан четда қолган ушбу таркибнинг умумий бозор қиймати 875 миллион еврони ташкил этади.
Бу рамзий терма жамоада энг кўп вакил Италиядан — дарвозабон Жанлуижи Доннарумма (€ 45 млн) бошчилигидаги ҳимоя чизиғининг бирйўла тўрт нафар футболчиси турнирни ўтказиб юборади, сабаби уларнинг миллий жамоаси саралаш босқичидан ўта олмаган. Жаҳон биринчилигидан четда қолганлар орасидаги энг қиммат футболчи грузиялик вингер Хвича Кварацхелия бўлди, унинг қиймати 140 миллион еврога баҳоланмоқда. Шунингдек, ЖЧ-2026’га бора олмаган энг қимматбаҳо ўйинчилар учлигига англиялик Коул Палмер ва испаниялик Фермин Лопес (иккаласи ҳам — 100 миллион евродан) кирди.
Турнирда ўйнамайдиган юлдузларнинг тўлиқ рамзий терма жамоаси қуйидагича кўринишга эга:
Дарвозабон: Жанлуижи Доннарумма (Италия, € 45 млн).
Ҳимоячилар: Федерико Димарко (Италия, € 50 млн), Риккардо Калафьори (Италия, € 55 млн), Алессандро Бастони (Италия, € 65 млн), Юрриен Тимбер (Нидерландия, € 70 млн).
Ярим ҳимоячилар: Доминик Собослаи (Венгрия, € 100 млн), Фермин Лопес (Испания, € 100 млн), Коул Палмер (Англия, € 100 млн), Хвича Кварацхелия (Грузия, € 140 млн).
Ҳужумчилар: Беньямин Шешко (Словения, € 75 млн), Виктор Осимхен (Нигерия, € 75 млн).
