Transfermarkt JCH-2026’ni o‘tkazib yuboradigan eng qimmat futbolchilarning ramziy terma jamoasini tuzdi
Transfermarkt portali 2026 yilgi jahon chempionatida ishtirok eta olmaydigan sayyoraning eng qimmatbaho o‘yinchilaridan iborat ramziy jamoani taqdim etdi.
Terma jamoalarning musobaqaga chiqa olmagani, jarohatlar yoki murabbiylar shtabining qarorlari sababli turnirdan chetda qolgan ushbu tarkibning umumiy bozor qiymati 875 million yevroni tashkil etadi.
Bu ramziy terma jamoada eng ko‘p vakil Italiyadan — darvozabon Janluiji Donnarumma (€ 45 mln) boshchiligidagi himoya chizig‘ining bir yo‘la to‘rt nafar futbolchisi turnirni o‘tkazib yuboradi, sababi ularning milliy jamoasi saralash bosqichidan o‘ta olmagan. Jahon birinchiligidan chetda qolganlar orasidagi eng qimmat futbolchi gruziyalik vinger Xvicha Kvaratsxeliya bo‘ldi, uning qiymati 140 million yevroga baholanmoqda. Shuningdek, JCH-2026’ga bora olmagan eng qimmatbaho o‘yinchilar uchligiga angliyalik Koul Palmer va ispaniyalik Fermin Lopes (ikkalasi ham — 100 million yevrodan) kirdi.
Turnirda o‘ynamaydigan yulduzlarning to‘liq ramziy terma jamoasi quyidagicha ko‘rinishga ega:
Darvozabon: Janluiji Donnarumma (Italiya, € 45 mln).
Himoyachilar: Federiko Dimarko (Italiya, € 50 mln), Rikkardo Kalafiori (Italiya, € 55 mln), Alessandro Bastoni (Italiya, € 65 mln), Yurrien Timber (Niderlandiya, € 70 mln).
Yarim himoyachilar: Dominik Soboszlai (Vengriya, € 100 mln), Fermin Lopes (Ispaniya, € 100 mln), Koul Palmer (Angliya, € 100 mln), Xvicha Kvaratsxeliya (Gruziya, € 140 mln).
Hujumchilar: Beniamin Sheshko (Sloveniya, € 75 mln), Viktor Osimhen (Nigeriya, € 75 mln).
