Transfermarkt дунёнинг энг қиммат ҳужумчилари рейтинги эълон қилди
Нуфузли Transfermarkt интернет-портали бугунги ҳолат бўйича дунёдаги энг қиммат ҳужумчилар рейтинги эълон қилди.
Манба талқинига кўра, ҳозирда футбол оламидаги энг қиммат форвард унвонини бир вақтнинг ўзида уч нафар футболчи бўлишиб турибди: «Барселона» вингери Ламин Ямал, «Манчестер Сити» ҳужумчиси Эрлинг Холанд ва «Реал Мадрид» етакчиси Килиан Мбаппе. Уларнинг ҳар бирининг бозор қиймати 200 миллион еврони ташкил этади.
Таъкидлаш жоиз, Ямал ҳозирда 18 ёшда, Холанд 25 ёш, Мбаппе эса 27 ёш.
Етакчи учликдан кейинги ўринни «Реал Мадрид» футболчиси Винисиус Жуниор эгаллаган — унинг трансфер баҳоси 150 миллион еврога тенг. Шундан сўнг 130 миллион евро қиймат билан уч нафар футболчи жой олган: Букайо Сака («Арсенал»), Александр Исак («Ливерпуль») ва Майкл Олизе («Бавария»).
