Transfermarkt A Сериясининг энг қиммат 10 футболчисини эълон қилди
Transfermarkt Италия A Серияси футболчиларининг бозор қийматини янгилади. Рейтингда «Интер» ҳужумчиси Лаутаро Мартинес 85 миллион евролик баҳо билан етакчиликни сақлаб қолди. Иккинчи ўринда «Комо» ярим ҳимоячиси Нико Пас — 80 миллион евро, учинчи поғонада эса «Ювентус» вакили Кенан Йилдиз — 75 миллион евро билан жойлашди.
Янгиланган топ-10 қуйидагича: Лаутаро Мартинес — 85 млн евро, Нико Пас — 80 млн, Кенан Йилдиз — 75 млн, Алессандро Бастони — 65 млн, Расмус Хойлунд — 60 млн, Ману Коне — 60 млн, Мартин Батурина — 55 млн, Дониэлл Мален — 55 млн, Франческо Пио Эспозито — 50 млн ва Ник Вольтемаде — 50 млн евро.
Рейтингга уч нафар «Интер» футболчиси киритилган. Шунингдек, «Комо», «Ювентус» ва «Рома»дан иккитадан, «Наполи»дан эса бир нафар футболчи топ-10дан жой олган. Ману Коне, Мартин Батурина ва Дониэлл Маленнинг бозор қиймати 10 миллион еврога ошган бўлса, Эспозитонинг баҳоси 5 миллионга кўтарилган. Вольтемаденинг нархи эса 5 миллион еврога пасайган.
Маълумот учун, Лаутаро Мартинеснинг бозор қиймати 85 миллион евро бўлиб, у айни пайтда A Сериядаги энг қиммат футболчи ҳисобланади.
