Трансфер. Бобиржон Асқаров — «Машъал» футболчиси
Расман: Бобиржон Асқаров — «Машъал» футболчиси!
Муборакнинг «Машъал» футбол клуби Суперлига иккинчи давраси олдидан таркибни кучайтириш ишларини давом эттирмоқда. Жамоа ўзбекистонлик ҳимоячи Бобиржон Асқаров билан шартнома имзолади.
27 ёшли футболчи 1999 йил 2 сентябрда Тошкент шаҳрида таваллуд топган. У асосан марказий ҳимоя чизиғида ҳаракат қилади, зарурат туғилганда таянч ярим ҳимоячиси сифатида ҳам самарали ўйнай олади. Шунингдек, у Ўзбекистон U-23 терма жамоаси сафида ҳам тўп сурган.
Футболчилик фаолияти давомида Асқаров «Пахтакор» ва «Локомотив» клублари шарафини ҳимоя қилган. У «Пахтакор» сафида Ўзбекистон Суперлигаси чемпиони ва мамлакат Кубоги соҳибига айланган. Шунингдек, «Локомотив» билан Про-лига чемпиони бўлган.
Марказий ҳимоядаги тажрибаси ва ғолиблик руҳи билан жамоамизга катта фойда келтиришига ишонамиз.
Хуш келибсиз, Бобиржон Асқаров!
«Машъал» сафида омад ва ёрқин ғалабалар тилаймиз!",- деб ёзилади клуб расмий саҳифасида.
