Трамп: «Эроннинг Жаҳон чемпионатида иштирок этиши мен учун мутлақо аҳамиятсиз»
АҚШ президенти Доналд Трамп Эрон терма жамоасининг 2026 йилги Жаҳон чемпионатида иштирок этишдан бош тортиши мумкинлиги ҳақидаги хабарларга муносабат билдирди. 28 февраль куни эрталаб Исроил Эронга «превентив зарба» берди, бир неча соатдан сўнг эса Трамп йирик ҳарбий операция бошланганини эълон қилди.
«Эроннинг Жаҳон чемпионатида иштирок этиши мен учун мутлақо аҳамиятсиз. Менимча, Эрон — қақшатқич мағлубиятга учраган мамлакат. Улар бор кучини сарфлаб юборган», — дея Трампнинг сўзларини келтиради Politico.
Аввалроқ, Эрон футбол федерацияси президенти Мехди Тож АҚШнинг ҳарбий операцияси фонида жаҳон биринчилигига бойкот эълон қилиниши мумкинлиги ҳақида хабар берган эди.
2026 йилги Жаҳон чемпионати 11 июн куни старт олади. Эрон терма жамоаси Бельгия, Миср ва Янги Зеландия билан бир гуруҳдан жой олган.
