Трамп Балогун масаласида Инфантинага қўнғироқ қилганини тасдиқлади
АҚШ президенти Дональд Трамп ФИФА президенти Жанни Инфантинага қўнғироқ қилиб, АҚШ терма жамоаси ҳужумчиси Фоларин Балогуннинг қизил карточкаси юзасидан қарорни қайта кўриб чиқишни сўраганини тасдиқлади.
Трампнинг сўзларига кўра, у Балогуннинг ҳаракатида қасддан қўполлик бўлмаган деб ҳисоблаган ва шу сабабли ФИФА раҳбаридан ушбу вазиятни қайта кўриб чиқишни илтимос қилган. Шу билан бирга, у ФИФАга босим ўтказмаганини, фақат ўз фикрини билдирганини таъкидлади.
Эслатиб ўтамиз, Балогун Босния ва Герцеговинага қарши учрашувда қизил карточка олган эди. Дастлаб футболчига бир ўйинлик автоматик дисквалификация қўлланган бўлса, кейинчалик ФИФА ушбу жазони вақтинча тўхтатиб, унга Бельгияга қарши нимчорак финал баҳсида майдонга тушишга рухсат берди. Мазкур қарор футбол жамоатчилигида кескин баҳс-мунозараларга сабаб бўлди.