Tramp Balogun masalasida Infantinoga qo‘ng‘iroq qilganini tasdiqladi
AQSH prezidenti Donald Tramp FIFA prezidenti Janni Infantinoga qo‘ng‘iroq qilib, AQSH terma jamoasi hujumchisi Folarin Balogunning qizil kartochkasi yuzasidan qarorni qayta ko‘rib chiqishni so‘raganini tasdiqladi.
Trampning so‘zlariga ko‘ra, u Balogunning harakatida qasddan qo‘pollik bo‘lmagan deb hisoblagan va shu sababli FIFA rahbaridan ushbu vaziyatni qayta ko‘rib chiqishni iltimos qilgan. Shu bilan birga, u FIFAga bosim o‘tkazmaganini, faqat o‘z fikrini bildirganini ta’kidladi.
Eslatib o‘tamiz, Balogun Bosniya va Gersegovinaga qarshi uchrashuvda qizil kartochka olgandi. Dastlab futbolchiga bir o‘yinlik avtomatik diskvalifikatsiya qo‘llangan bo‘lsa, keyinchalik FIFA ushbu jazoni vaqtincha to‘xtatib, unga Belgiyaga qarshi nimchorak final bahsida maydonga tushishga ruxsat berdi. Mazkur qaror futbol jamoatchiligida keskin bahs-munozaralarga sabab bo‘ldi.
