Трабзонда Муҳаммад Салоҳ яшайдиган кўча унинг шарафига қайта номланади
Туркиянинг Трабзон вилоятидаги Йомра тумани ҳокимияти “Трабзонспор”нинг янги футболчиси Муҳаммад Салоҳ яшайдиган кўчага унинг номини беришни режалаштирмоқда. Бу ҳақда Йомра мэри Мустафа Бийик ижтимоий тармоқдаги саҳифаси орқали маълум қилди.
Мэрнинг айтишича, тегишли масала шу ҳафта шаҳар кенгаши йиғилишида кўриб чиқилади. Қарор тасдиқланса, Салоҳнинг уйи жойлашган кўча расмий равишда “Муҳаммад Салоҳ кўчаси” деб номланади. Бийик бу ташаббус орқали машҳур футболчининг Йомрада яшашини алоҳида эътироф этмоқчи эканини таъкидлади.
Мустафа Бийик Салоҳнинг “Трабзонспор”га трансферини турк футболи тарихидаги энг йирик ва шов-шувли келишувлардан бири сифатида баҳолади. Унинг сўзларига кўра, Йомра аҳолиси мисрлик юлдузнинг айнан шу ҳудудда истиқомат қилишидан фахрланмоқда.
Маълумот учун, Муҳаммад Салоҳ 2026-йил ёзида “Ливерпуль”ни тарк этиб, эркин агент сифатида “Трабзонспор” сафига қўшилди. Мисрлик футболчи турк клуби билан икки йиллик шартнома имзолаган.
