Тожикистон терма жамоаси янги бош мураббий тайинланди
Шартномага кўра, Стеванович 2027 йилги Осиё Кубоги саралаш босқичи якунигача жамоани бошқаради.
ФОТО: Getty images
Тожикистон терма жамоасига сербиялик мутахассис Горан Стеванович бош мураббий этиб тайинланди. Бу ҳақда Тожикистон футбол федерацияси матбуот хизмати хабар берди.
Стеванович ушбу лавозимда икки йил давомида терма жамоани бошқарган ва яқинда истеъфога чиқарилган грузиялик Гела Шекиладзенинг ўрнини эгаллади.
Шартномага кўра, Стеванович 2027 йилги Осиё Кубоги саралаш босқичи якунигача жамоани бошқаради. Янги бош мураббийга Милен Павлович ва Радмило Азанияц ёрдам беради.
Ҳозирда Тожикистон терма жамоаси Осиё Кубоги саралаш босқичи “Б” гуруҳида икки турдан сўнг пешқадамлик қилмоқда. Навбатдаги ўйинлар 9 ва 14 октябрь кунлари Малдив ороллари терма жамоасига қарши бўлиб ўтади.
Розикжон Султонмуродов
Журналист