«Тоттенхэм»нинг икки футболчиси автоҳалокатга учради
«Тоттенхэм» мухлислари Чемпионлар Лигасининг муҳим баҳси олдидан бироз хавотирга тушишди. Жамоа ҳужумчиси Рандал Коло Муани ва яримҳимоячи Вилсон Одобер йўл-транспорт ҳодисасига дуч келишди. Бу ҳақда инсайдер Бен Жейкобс жамоа бош мураббийи Томас Франкка таянаб хабар берди.
Воқеа тафсилотларига кўра, футболчилар аэропортга кетаётган вақтда Коло Муанининг «Ferrari» русумли автомобилида шина портлаб кетган. Оқибатда хавфсизлик ёстиқчалари ҳам ишга тушган. Вилсон Одобер эса бошқа машинада жамоадошининг ортидан келаётган бўлган ва унга ёрдам бериш учун тўхтаган.
Томас Франк ушбу вазиятга қуйидагича изоҳ берди:
«Рандал Коло Муани ва Вилсон Одобер кичик автоҳалокатга учради, бироқ ҳар иккиси ҳам ўзини яхши ҳис қилмоқда. Ҳодисага шина портлаб кетгани сабаб бўлган. Улар бироз кечикиш билан бўлса-да, бугун кечқурун Франкфуртга етиб боришади».
Эслатиб ўтамиз, бугун, 28 январь куни «Тоттенхэм» Чемпионлар Лигаси 8-тури доирасида сафарда «Айнтрахт» меҳмони бўлади. Ўйин Тошкент вақти билан тунде, Франкфурт Арена стадионида старт олади. Мураббийнинг таъкидлашича, ушбу кўнгилсиз ҳодисага қарамай, ҳар икки футболчи ҳам бўлажак баҳсда иштирок этишга тайёр.
