«Тоттенхэм»нинг АПЛдаги ғалабасиз серияси 14 та ўйинга етди
«Тоттенхэм» Англия Премьер-лигасининг 32-турида «Сандерленд»га 0:1 ҳисобига имкониятни бой берди. Шу тариқа, «шпорлар»нинг Англия чемпионатидаги ғалабасиз серияси 14 та ўйинга етди.
«Тоттенхэм»нинг ушбу муваффақиятсиз серияси 19-турда «Брентфорд» билан қайд этилган дурангдан (0:0) бошланган эди. Шундан сўнг, жамоа АПЛ доирасида «Сандерленд» (1:1), «Борнмут» (2:3), «Вест Хэм» (1:2), «Бёрнли» (2:2), «Манчестер Сити» (2:2), «Манчестер Юнайтед» (0:2), «Ньюкасл» (1:2), «Арсенал» (1:4), «Фулхэм» (1:2), «Кристал Пэлас» (1:3), «Ливерпуль» (1:1) ва «Ноттингем Форест» (0:3) билан баҳсларда очко йўқотди. Навбатдаги турда эса лондонликлар «қора мушуклар» билан иккинчи тўқнашувда ҳам мағлуб бўлишди.
Ҳозирда «Тоттенхэм» 30 очко билан АПЛ турнир жадвалининг 18-поғонасидан жой олган. «Шпорлар» навбатдаги турни 18 апрел куни ўз майдонларида «Брайтон»га қарши ўтказишади.
