«Tottenhem»ning APLdagi gʻalabasiz seriyasi 14 ta oʻyinga yetdi
«Tottenhem» Angliya Premyer-ligasining 32-turida «Sanderlend»ga 0:1 hisobida imkoniyatni boy berdi. Shu tariqa, «shporlar»ning Angliya chempionatidagi g‘alabasiz seriyasi 14 ta o‘yinga yetdi.
«Tottenhem»ning ushbu muvaffaqiyatsiz seriyasi 19-turda «Brentford» bilan qayd etilgan durangdan (0:0) boshlangan edi. Shundan so‘ng, jamoa APL doirasida «Sanderlend» (1:1), «Bornmut» (2:3), «Vest Hem» (1:2), «Byornli» (2:2), «Manchester Siti» (2:2), «Manchester Yunayted» (0:2), «Nyukasl» (1:2), «Arsenal» (1:4), «Fulhem» (1:2), «Kristal Pelas» (1:3), «Liverpul» (1:1) va «Nottingem Forest» (0:3) bilan bahslarda ochko yo‘qotdi. Navbatdagi turda esa londonliklar «qora mushuklar» bilan ikkinchi to‘qnashuvda ham mag‘lub bo‘lishdi.
Hozirda «Tottenhem» 30 ochko bilan APL turnir jadvalining 18-pog‘onasidan joy olgan. «Shporlar» navbatdagi turni 18 aprel kuni o‘z maydonlarida «Brayton»ga qarshi o‘tkazishadi.
