«Тоттенхэм» Сенеси билан келишувга эришди – BBC
Лондоннинг «Тоттенхэм» клуби «Борнмут»нинг 29 ёшли ҳимоячиси Маркос Сенеси билан келишувга эришди, деб хабар бермоқда BBC.
Манбанинг хабар беришича, футболчи билан келишув шартлари деярли келишиб олинган ва охирги расмийчиликлар қолган. Аввалроқ журналист ва инсайдер Николо Скира ҳам X ижтимоий тармоғида Сенесининг «Тоттенхэм»га ўтиши ҳақида маълум қилганди.
Лондон клуби футболчи учун курашда аввалроқ Сенесига қизиқиш билдирган «Манчестер Юнайтед» ва «Челси»ни ортда қолдирди.
Сенеси ўз фаолиятини «Фейеноорд»да бошлаган ва у ердан 2022-йилда 15 миллион евро эвазига «Борнмут»га ўтган. Аргентиналик футболчи клуб сафида 128 та ўйинда майдонга тушиб, 6 та гол урган ва 10 та голли узатмани амалга оширган.
Айни пайтда Transfermarkt маълумотларига кўра, Сенесининг бозор қиймати 22 миллион еврога тенг.
