«Тоттенхэм» Митровични АПЛга қайтармоқчи
Фото: Getty Images
Саудия Арабистонининг "Ал-Ҳилол" жамоаси ҳужумчиси Александар Митрович "Тоттенхэм" клубига ўтиши мумкин. Бу ҳақда журналист Себастьен Видаль маълум қилмоқда.
Манбанинг хабар беришича, "Ал-Ҳилол" 30 ёшли сербиялик футболчини "Тоттенхэм"га тахминан 35 миллион евро эвазига сотишга тайёр.
Бу трансферга футболчининг маоши тўсиқ бўлиши мумкин. Сербиялик форвард “Ал-Ҳилол”да йилига 25 миллион евро атрофида маош олади. “Шпорлар” бунчалик маош беришга тайёр эмас.
Ўтган мавсумда ҳужумчи барча мусобақаларда жами 36 та ўйинда иштирок этиб, 28 та гол урди ва 7 та голли узатма берди. Transfermarkt маълумотларига кўра, Митровичнинг трансфер нархи 18 миллион еврога баҳоланмоқда.
Розикжон Султонмуродов
Журналист
