“Тоттенхэм” Кристиан Пулишич трансфери бўйича сўров юборди
Лондоннинг “Тоттенхэм” клуби “Милан” вингери Кристиан Пулишични ўз сафига қўшишга қизиқиш билдирмоқда. Бу ҳақда TEAMtalk нашри хабар берди.
Манбага кўра, “Тоттенхэм” 27 ёшли америкалик футболчининг трансфер шартларини билиш мақсадида “Милан”га дастлабки сўров юборган. Лондонликлар ҳужум чизиғини кучайтириш учун бир нечта вариантларни кўриб чиқмоқда.
Қайд этилишича, “Тоттенхэм” Коди Гакпо трансферини амалга ошира олмаганидан кейин Пулишич вариантига жиддийроқ эътибор қарата бошлаган. Гакпо эса фаолиятини “Манчестер Сити”да давом эттиришни афзал кўргани айтилмоқда.
Маълумот учун, Пулишич ўтган мавсум “Милан” сафида барча мусобақаларда 34 та учрашув ўтказиб, 10 та гол урди ва 4 та голли узатма амалга оширди. Унинг Италия клуби билан амалдаги шартномаси 2027 йил ёзигача мўлжалланган.
