\"Тоттенхэм\" Гарначо учун асосий даъвогар
У "МЮ"ни тарк этмоқчи
Фото: Getty Images
"Манчестер Юнайтед" ҳужумкор ярим ҳимоячиси Алехандро Гарначо "Тоттенхэм"га ўтиши мумкин.
Daily Mail хабарига кўра, Лондон клуби футболчини сотиб олиш имкониятини жиддий кўриб чиқмоқда.
Аргентиналик 20 ёшли футболчининг ўзи ҳам “МЮ”ни тарк этишни хоҳламоқда. Бироқ у фаолиятини АПЛда давом эттирмоқчи.
Унга “Наполи”, “Ан-Наср” каби жамоалардан таклифлар келиб тушган.
Гарначо ўтган мавсум клуб сафида 58 ўйинда қатнашиб, 11 та гол урди ва 10 та голга ассистентлик қилди.
