\"Tottenhem\" Garnacho uchun asosiy da’vogar
U "MYU"ni tark etmoqchi
Photo: Getty Images
"Manchester Yunayted" hujumkor yarim himoyachisi Alejandro Garnacho "Tottenhem"ga o'tishi mumkin.
Daily Mail xabariga ko'ra, London klubi futbolchini sotib olish imkoniyatini jiddiy ko'rib chiqmoqda.
Argentinalik 20 yoshli futbolchining o'zi ham "MYU"ni tark etishni xohlamoqda. Biroq u faoliyatini APLda davom ettirmoqchi.
Unga "Napoli", "An-Nasr" kabi jamoalardan ham takliflar kelib tushgan.
Garnacho o'tgan mavsum klub safida 58 o'yinda qatnashib, 11 ta gol urdi va 10 ta golli uzatma berdi.
