«Тоттенхэм» Диего Симеоне билан алоқага чиқди — манба
Испаниялик мутахассис фаолиятини АПЛда давом эттириши мумкин.
ФОТО: Getty Images
Англиянинг «Тоттенхэм» клуби вакиллари Мадриднинг «Атлетико» жамоаси бош мураббийи Диего Симеоне билан алоқага чиқишди.
Indykaila News нашрининг ижтимоий тармоқлардаги хабарга кўра, лондонликларга жавобан аргентиналик мутахассис келаси ёздан бошлаб ҳар қандай иш таклифларини кўриб чиқишга тайёр эканлиги билдирилган.
Эслатиб ўтамиз, «Тоттенхэм» яқинда 2025 йилнинг ёзидан бери жамоани бошқариб келган Томас Франкни истеъфога чиқарган эди. Диего Симеоне эса 2011 йилдан бери «Атлетико»ни узлуксиз бошқариб келмоқда.
Англия Премьер-лигасининг жорий мавсумидаги 26 турдан сўнг, «Тоттенхэм» 29 очко билан турнир жадвалида 16-поғонани эгаллаб турибди. «Шпорлар» навбатдаги учрашувни ўз майдонларида «Арсенал»га қарши ўтказишади.
Насрулло Каримов
Журналист