«Tottenhem» Diyego Simeone bilan aloqaga chiqdi — manba
Angliyaning «Tottenhem» klubi vakillari Madridning «Atletiko» jamoasi bosh murabbiyi Diyego Simeone bilan aloqaga chiqishdi.
Indykaila News nashrining ijtimoiy tarmoqlardagi xabariga ko‘ra, londonliklarga javoban argentinalik mutaxassis kelasi yozdan boshlab har qanday ish takliflarini ko‘rib chiqishga tayyor ekanligi bildirilgan.
Eslatib o‘tamiz, «Tottenhem» yaqinda 2025 yilning yozidan buyon jamoani boshqarib kelgan Tomas Frankni iste’foga chiqargan edi. Diyego Simeone esa 2011 yildan buyon «Atletiko»ni uzluksiz boshqarib kelmoqda.
Angliya Premyer-ligasining joriy mavsumidagi 26 turdan so‘ng, «Tottenhem» 29 ochko bilan turnir jadvalida 16-pog‘onani egallab turibdi. «Shporlar» navbatdagi uchrashuvni o‘z maydonlarida «Arsenal»ga qarshi o‘tkazishadi.
